18 მაისს, მუზეუმების საერთაშორისო დღეს, 20 საათზე საქართველოს კულტურის სამინისტროს ხელოვნების სასახლეში, სამეგრელოს მთავართა-დადიანების სასახლიდან გადმოტანილი უნიკალური საგანძურის გამოფენა გაიხსნა.
უკვდავთა ბაღში გაიმართა კოსტუმირებული კარნავალი, რომელიც დასრულდა გრანდიოზული ფეიერვერკით.
ექსპოზიცია უნიკალურია მისი ვიზუალური მახასიათებლებითა და მსოფლიო მნიშვნელობით. ეკატერინე ჭავჭავაძე-დადიანის სამაგიდო მოწყობილობა, ნიკო დადიანის სასახლისეული ფაიფურის ჭურჭელი, ფრაჟეს შანდლები, გრავიურები, საომარი იარაღი დავით დადიანის უნიკალური კოლექციიდან- ხმლები, დამბაჩები, სატევარა, დადიანების დინასტიის საოჯახო ფოტოები, ეს არის არსრული ჩამონათვალი იმ განძეულისა, რომელიც ხელოვნების სასახლეში გარკვეული პერიოდით დაიდებს ბინას.
განსაკუთრებულ ყურადღებას იმსახურებს ნაპოლეონ I-ის (1769-1821) ბრინჯაოს ნიღაბი, რომელიც ანატომიის პროფესორმა, ფრანჩესკო ანტომარკმა 1833 წელს პარიზში ჩამოასხმევინა. აღსანიშნავია, რომ ნიღაბი საქართველოში სალომე დადიანი-მიურატის მეშვეობით აღმოჩნდა.