შინაგანაწესი
ისტორიულ მეცნიერებათა დოქტორი გიორგი კალანდია- საქართველოს ხელოვნების სასახლის გენერალური დირექტორია. იყო რამდენიმე ქართული პოპულარული გადაცემის ავტორი. 2010 წლიდან დავით აღმაშენებლის სახელობის უნივერსიტეტის პროფესორია. 2012 წლიდან ამავე უნივერსიტეტის საპატიო დოქტორი. 2007 წელს დაასრულა ევროკავშირის პოლიტიკური სკოლა (სტრასბურგი), 2011 წელს ოქსფორდის უნივერსიტეტის დუბლინის ECM კოლეჯი (ინგლისური ენა).
2004 – 2011 წლებში გიორგი კალანდიას ხელმძღვანელობით თურქეთში, ინდოეთში, ეგვიპტეში, აზრებაიჯანში, სომხეთში, პორტუგალიაში, ინგლისში მოეწყო რამდენიმე სამეცნიერო ექსპედიცია, რომელიც მიზნად ისახავდა საზღვარს მიღმა მცხოვრები ქართველების („ჩვენებურები“) ტრადიციების, ფოლკლორის და არტეფაქტების შესწავლას. ექსპედიციების დროს ფირზე დაფიქსირდა ათეულობით ქართული სოფელი, ფოლკლორის ნიმუში და ისტორიული ძეგლი
2015-2016 წლებში გიორგი კალანდიამ შეისწვალა ირლანდიის ეროვნულ ბიბლიოთეკაში დაცული უცნობი საისტორიო წყაროები საქართველოს სახელოვანი მეფის ერეკლე II-ის შესახებ. აღნიშნული ნაშრომი სახელწოდებით „მეფე ერეკლე ბრიტანულ და ირლანდიურ პრესაში“ 2017 წელს გამოიცა. კალანდიამ არაერთი შრომა უძღვნა ქართულ-ევროპულ ურთიერთობებს მათ შორის აღსანიშნავია: „იტალია საქართველოში ათასწლოვანი დიალოგი“ (2011), „შექსპირი ქართულ მხატვრობაში“ (2013), „შექსპირი ქართულ თეატრში“ (2013), „უორდროპები და საქართველო“ (2014), „ქართველები I მსოფლიო ომში“ (2014), „გერმანელი მხატვრები და კავკასია“ (2015), „შექსპირი ქართულ სცენაზე“ (2016)
გიორგი კალანდიამ 2006 წელს სამეცნიერო მონოგრაფია მიუძღვნა დადიანების სასახლეების არქიტექტურულ ანსამბლებს ზუგდიდში, გორდსა და სალხინოში. შეისწავლა სასახლეების მშენებლობის ისტორია, სამეგრელოს მთავართა სასახლის კარის წყობა და ზუგდიდის ისტორიული მუზეუმის დაარსების პერიპეტიები. მან პირველმა შეისწავლა და გამოაქვეყნა თურქეთში მცხოვრები ქართველი საზოგადო მოღვაწის აჰმედ მელაშვილის ბიოგრაფია წიგნში "ჩვენებურთა ბელადი"
2017 წელს გიორგი კალანდიას ხელმძღვანელობით ჩატარებულმა სამეცნიერო პროექტმა სახელწოდებით „ქსოვილი საქართველოდან“ ევროპის კულტურული მემკვიდრეობის უმაღლესი ჯილდო „ევროპა ნოსტრა“ დაიმსახურა
2018 წლიდან გიორგი კალანდია ხელმძღვანელობს შოთა რუსთაველის ეროვნული სამეცნიერო ფონდის მიერ დაფინანსებულ სამეცნიერო პროექტს „უცნობი ისტორიული წყაროები საქართველოს შესახებ (ტიუდორების არქივი)“
2019 წლის 30 ივნისს გიორგი კალანდია მიიღეს აზიის სამეფო საზოგადოების წევრად.